Norsk kulturråd er av Kulturdepartementet utpeikt som nasjonal aktør for kulturarv i Den kulturelle skulesekken.

I stortingsmelding nr. 8 (2007-2008) Kulturell skulesekk for framtida vert det peika på at det innanfor kvart kunst- og kulturuttrykk skal vera ein nasjonal aktør som har eit særleg ansvar for nettverksarbeid innanfor sine fagområde.

Norsk kulturråd (tidl. ABM-utvikling) er peikt ut som den nasjonale aktøren på kulturarvsfeltet. Som nasjonal aktør i DKS arbeider Norsk kulturråd med å  styrkja sitt arbeid med nettverksbygging, kvalitetsutvikling og informasjon. Vi arbeider med å leggja til rette for kompetansehevande tiltak på kulturarvsfeltet og skapa gode kontaktflater for erfaringsutveksling og nettverksbygging.

Den årlege nettverkskonferansen Flatbrød og Sirkus – kulturarvens mange moglegheiter i Den kulturelle skulesekken er ein del av dette arbeidet.

Om Den kulturelle skulesekken

Den kulturelle skulesekken er ei nasjonal satsing som skal bidra til at alle skuleelevar i Norge får møte profesjonell kunst og kultur av alle slag. Den kulturelle skulesekken er eit samarbeidsprosjekt mellom Kulturdepartementet og Kunnskapsdepartementet. Ordninga vert i hovudsak finansiert gjennom spelemiddeloverskotet frå Norsk Tipping.

• Les meir på nettsidene til Sekretariatet for Den kulturelle skolesekken 
• Les meir om de nasjonale aktørane i DKS her

Flatbrød og sirkus 2011 (19.-20. september 2011)
- kulturarvens mange moglegheiter i Den kulturelle skulesekken

Programarbeidet er i gang, mer informasjon kommer.

Flatbrød og sirkus 2010 (20.-21. september 2010)
- kulturarvens mange moglegheiter i Den kulturelle skulesekken

ABM-utvikling inviterer til eit inspirasjonsseminar for alle som arbeider med kulturarvsfeltet innanfor DKS, der målet er å bli inspirert, utveksla erfaringar og komma med innspel til korleis feltet kan styrkjast.

Tid og stad: 20.- 21. september 2010 i Oslo (Stratos, Folketeaterbygningen)

• Program og påmeldingsskjema finn du her