- Vi er på jakt etter større digitale og fysiske utvikligsprosjekt med stor overføringsverdi, seier ABM-direktør Stein Slyngstad. Utviklingsmidlane skal kome til nytte utover den einskilde institusjonen, gjerne i form av samarbeidsprosjekt mellom fleire institusjonar, samarbeid med forskingsmiljø, regionale samarbeidstiltak eller utvikling av faglege nettverk. Prosjekt som er nyskapande, fremjar kritisk refleksjon og utviklar institusjonanes samfunnsrolle blir prioritert.

Få alltid med deg siste nytt frå ABM-utvikling

Ved tildeling vil ein serleg prioritere to område:

1. Forvaltning og tilgjengeleggjering av samlingar: Her blir prosjekt og prosessar som fører til utvikling av fellestenester, fellesmagasin og tilgjengeleggjering av samlingar prioritert.

2. Formidling og dialog: Prosjekt og prosessar som inkluderer digital og annan nyskapande formidling, brukarmedverknad og publikumsundersøkingar vert prioritert.

Les meir om og søk på prosjektmidlar