Fire kulturhistoriske museum i Sogn og Fjordane vil satse på realfag, og har fått 100 000 kroner i prosjektstøtte av ABM-utvikling – Statens senter for arkiv, bibliotek og museum.

- Dette er eit spanande prosjekt, der musea vil freiste å sjå samanhengen mellom kultur- og naturhistorie. Det er ein god ide å gå saman i eit fylke om å samarbeide med det regionale vitensenteret og laga lokalt tilpassa skuleopplegg, seier avdelingsdirektør i ABM-utvikling, Randi Ertesvåg. 

Forskingsrådet har i samarbeid med ABM-utvikling valt ut seks store regionale vitensentra som skal dekke heile landet. Bergen vitensenter  har ansvar for Vestlandet, men dette senteret ligg for langt unna til at det er eit reelt tilbod for skular og folk i Sogn og Fjordane. Derfor vil musea, i samarbeid med Bergen vitensenter, utvikle undervisningsopplegg for skulane i fylket. Det er Kystmuseet i Sogn og Fjordane, Sunnfjord Museum, Nordfjord folkemuseum og De Heibergske Samlinger - Sogn Folkemuseum som står bak prosjektet.

I 2007 kom det inn 334 søknader til ABM-utvikling om i overkant av 105 millionar kroner. 87 fekk tilsegn om til saman 26 millionar. Søknadane omfattar læring, kunnskaps- og kulturformidling, utvikling av digitale tenester, utvikling og sikring av samlingar og tilskot til nytenking innanfor organisasjons- og nettverksbygging.
 

Pressekommentar: 

informasjonsdirektør Atle Faye
telefon: 913 47 369
e-post: atle.faye'snabel-a'abm-utvikling.no

avdelingsdirektør museumsutvikling Randi Ertesvåg
telefon: 906 28 621
e-post: randi.ertesvag'snabel-a'abm-utvikling.no

Oversikt over tildelingar

Oversikt over pressemeldingar