Direktør Leikny Haga Indergaard i ABM-utvikling sender denne veka ut 87 brev med 26 millionar kroner til institusjonar som driv utviklingstiltak i arkiv, bibliotek og museum.

- Vi er fødselshjelpar for dei viktigaste nyskapande prosjekta og skal stimulere pionerånda i heile abm-sektoren, seier direktør Leikny Haga Indergaard i ABM-utvikling - Statens senter for arkiv, bibliotek og museum.

- Det gror i kultur-Noreg, seier Indergaard. - Men mange gode søknader har fått avslag fordi midlane er avgrensa.

I 2007 kom det inn 334 søknader til ABM-utvikling om i overkant av 105 millionar kroner. 87 fekk tilsegn om til saman 26 millionar. Søknadane omfattar læring, kunnskaps- og kulturformidling, utvikling av digitale tenester, utvikling og sikring av samlingar og tilskot til nytenking innanfor organisasjons- og nettverksbygging.

Det er også gjeve tilsegn om 6 820 000 kroner til sikringstiltak ved norske museum og 665 000 kroner til videobøker på teiknspråk.

Søknadsbunken stig for kvart år og viser eit stort udekt behov for midlar til digitalisering og utvikling av arkiv, bibliotek og museum. Det har vore eit sprik mellom politiske målsetjingar og behov i samfunnet på den eine sida, og tiltak og ressursar på den andre. Kultur- og kyrkjedepartementet arbeider no med stortingsmeldingar om digitalisering og bibliotekreform, seier direktør Leikny Haga Indergaard.

Pressekommentar: 

direktør Leikny Haga Indergaard
telefon: 951 00 785
e-post: leikny.haga.indergaard'snabel-a'abm-utvikling.no

informasjonsdirektør Atle Faye
telefon: 913 47 369
e-post: atle.faye'snabel-a'abm-utvikling.no
 

Oversikt over tildelingar

Oversikt over pressemeldingar