Digitalisering er krevjande. Det er viktig å tenkja gjennom arbeidet før ein set i gang. Å overføra data frå analog til digital form er berre ein liten del. Alle ABM-institusjonane og alle fylka må laga seg gode og funksjonelle planar for digitalisering og digital formidling. Ein del ser framover mot 2014 og finn soleis fem-seks år som høveleg tidshorisont for slike planar. Her er nokre punkt i slike planar. 

1. Mål for arbeidet: Kva ønskjer ein å oppnå når det gjeld tenester og tilbod i det      tidsrommet planen gjeld?
2. Kva finst av digitale katalogar og digitalt innhald?
3. Kva finst av digital infrastruktur, som nettverk, breiband, maskinvare, databasar, lagringsløysingar, samarbeid m.m.?
4. Kva finst av relevant kompetanse?
5. Korleis byggja opp eller rekruttera eventuell manglande kompetanse?
6. Produksjon av digitale data: Planar inkl. prioritering, effektivitet, økonomi etc.
7. Distribusjon av digitalt innhald: Korleis få det digitale innhaldet ut til brukarane?
8. Formidling: Korleis kan materialet best formidlast; saman med anna kulturstoff, kulturminne, som del av eit samla tilbod med artiklar, utstillingar, undervisningsopplegg med meir?
9. Samarbeid: Abm-samarbeid, samarbeid med utdanningssektor, reiseliv, næringsliv, samarbeid/dialog med brukargrupper med meir.
10. Ressursar og andre forutsetnader.